CRACK

karaniwang papasok ako sa iskwelahan nang nadaanan ko ang crack dahilan mahirapan ako igalaw ang wheelchair. lagot, male-late nanaman ako nito.

"kailangan mo po ng tulong?" tanong ng di pamilyar na boses. tinignan ko sila at siya ay isang lalaking maayos ang pananamit ng kaniyang uniform gayon narin ang buhok.

"hi-hindi na," sabi ko.

"sigurado ka po?"

"leila!" nang ako'y sasagot sa lalaki ay tinawag ako ni kayla. masiglang ngiti ang binigay niya sa'kin habang kumakaway pero nawala iyon nang nakita niya ang lalaki sa harapan ko.

"ah, meron nang tutulong sa'kin," aniya ko sa lalaki. para siyang napilitan tumango at nagpaalam na. nang tumingin ako muli kay kayla, gaya ng ngiti niya lagi ay muling bumalik sakaniyang labi.

"halika na, leila." aniya kayla. tumango ako at ngumiti pabalik. tinulungan niya akong ialis ang gulong sa crack at tinulak narin ang wheelchair ko. sabay kaming pumasok sa iskwelahan kahit na madaming tumitingin sa'min ay parang walang paki si kayla sakanila kaya ginawa ko narin yun.

ito na ang pangatlong beses niyang pagtulong sa'kin. sana nakilala ko na siya ng maaga pa. nagpapasalamat talaga ako nandito siya.